ROXAS CITY – Ginkakibot sang opisyales sang Barangay Amaga ang pagdakop sa miyembro sang LGBTQIA+ sa ginpatigayon nga buybust operation sa banwa sang Sigma.
Sa interview sang Bombo Radyo kay Kapitan Mario Jovena, Punong Barangay sang Brgy. Amaga sa nasambit nga banwa, ginsiling sini nga wala sila naglaum nga si Cristy Joy Compuesto Evangelio anag pagakasahan sang buybust apisar nahibaluan nila nga igapatigayon ang operasyon sa ila mismo nga barangay.
Gintuad sang Punong Barangay nga wala sang record ukon wala sa listahan may kaangtanan sa paggamit ukon pagduso sang iligal nga droga sa ila barangay ang suspetsado, apang naobserbahan man sini nga may mga barkada ang suspek nga ginapadayon sa ila balay.
Dugang pa ni Kap Jovena, anay nagatrabaho sa isa ka talyer ang suspetsado kag kaupod man sini ang iya menor de edad nga manghod nga lalaki kag ginpahayag kalive- in partner sa ila puluy-an.
Suno diri, subong lang niya nakita liwat si Evangelio matapos pila ka bulan man ini wala nagpakita sa ila barangay.
