Barangay officials sang Barangay Banica sa Roxas City, hugot nga ginabantayan ang mga patyo sa lugar batok sa mga kawatan sa nagahilapit nga Pista Minatay

Hugot nga ginabantayan sang mga opisyal sang Barangay Banica sa Roxas City ang mga patyo sa ila lugar batok sa mga kawatan sa nagahilapit nga Pista Minatay ukon Undas.

Sa interview sang Bombo Radyo kay Punong Barangay Mike Xander Agrasada, iya ginpahayag nga padayon ang ila pagmonitor sa mga patyo agud malikawan ang mga insidente sang pagpangawat.

Suno kay Agrasada, nagnubo ang numero sang mga insidente sang kinawatay sa ila barangay subong nga tuig kon ikumparar sa nagligad nga tinuig.

Bangud sini, nagpanawagan ang natungdan sa publiko nga maghalong kag mangin mabinantayon sa ila mga pagkadto sa patyo agud malikawan nga mangin biktima sang kawatan.