Ginpasiguro sang mga barangay officials sang Barangay Cagay, Roxas City nga magapadayon ang ila maayo nga pagserbisyo sa mga pumuluyo bisan pa ginpalawig ang termino sang mga barangay kag Sangguniang Kabataan officials.
Sa interview sang Bombo Radyo kay Barangay Kagawad Isidro Aragon, iya ginpahayag nga ila pagapadayunon ang paghatag sang serbisyo kag pag-atipan sa mga pagkinahanglan sang mga residente sang barangay.
Suno kay Aragon, importante nga gamiton sang mga opisyal ang dugang nga panahon sa pagpatuman sang mga programa kag proyekto para sa kaayuhan sang komunidad.
Dugang pa niya, magapadayon ang pagbinuligay sang mga barangay officials kag mga pumuluyo agud masolbar ang mga problema kag mapauswag pa ang serbisyo sa Barangay Cagay.
Nagalaum man ang natungdan nga sa pagpalawig sang termino sang mga barangay kag SK officials, magapadayon ang ila maayo nga serbisyo kag pagserbisyo sa publiko.
