ROXAS CITY – Nagpahamtang sang 24 oras nga checkpoint ang mga barangay official sang Capuyhan sa banwa sang Sigma.
Sa interview sang Bombo Radyo kay Punong Barangay Edgardo Francisco, ginpakamaayo nila nga i-monitor ang mga nagasulod kag nagaguwa sa ila barangay matapos ang nagluntad nga pagpatay sa isa ka residente nga tubtob sa karon wala pa makilala ang suspetsado.
Pahayag pa ni Francisco nga naalarma ang mga pumuluyo kag nagtuga sang kahadlok sa natabo nga insidente sa ila barangay bangud ginakabig nga malinong ang ila lugar.
Samtang wala naman sang malain nga record sa ila nga barangay ang biktima nga kilala nga mabuot kag wala man sang kontra.
Nagakooperar man sila sa mga kapulisan para sa madasig nga pagkasolbar sang kaso kag mahatagan sang hustisya ang pamilya.
