ROXAS CITY – Magapadayon ang mga programa kag proyekto sang barangay kun ma-postpone ang 2026 Barangay and Sangguniang Kabataan Elections (BSKE).
Sa interview sang Bombo Radyo kay Punong Barangay Rolando Ignacio sang Tanza, Roxas City, iya ginpahayag nga wala sang control ang mga opisyal sang barangay kun isulon ang petsa sang eleksyon, apang ang pag-delay ang magahatag sang kahigayunan nga makompleto ang mga wala pa natapos nga mga proyekto.
Suno kay Ignacio, nahangpan niya kun may mga pumuluyo sa iya barangay nga luyag magbag-o sang liderato kag may yara man ang sila sang tyansa nga magpadalagan sa tion nga madayon ang eleksyon sa Nobyembre 2, 2026.
Pahayag niya, nagapadayon ang barangay gym nga proyekto sang Tanza sa diin kulang na lang sang side panels agud nga mangin komportable kag mapuslan sang mga residente.
Dugang pa sang natungdan, ano man ang mangin petsa sang eleksyon, magapadayon lang ini sa pagserbisyo sa iya komunidad.
