Barangay tanod nga suspek sa pagluthang patay sa isa man ka tanod, nagsungka na sa mga pulis sa banwa sang Cuartero, Capiz

ROXAS CITY – Boluntaryo nga nagsungka sa Cuartero Municipal Police Station ang barangay tanod nga suspek sa pagluthang patay sa kaupod sini nga tanod sa Barangay Magalab-i sang nasambit nga banwa.

Nahibaluan nga base sa imbestigasyon sang mga kapulisan nga samtang nagakaon ang biktima nga si Geronimo Candido sa balay sang iya kakilala sang ginaalegar ginluthang patay ini sa likod sang suspek nga si Henry Leagogo sang nasambit nga lugar gamit ang ginapatihan nga  .45 caliber nga armas-luthang.

Bangud diri, nag-angkon naman sang tatlo ka pilas sa lawas ang biktima nga gilayon naman gindala sa ospital apang gindeklarar naman ini nga dead on arrival.