ROXAS CITY – Isa ang Barangay VIII sa ginpasidunggan bilang 2023 seal of Good Local Governance for Barangay (SGLGB) sa bilog nga Pilipinas.
Mahibaluan nga sa kabug-usan 39,623 nga mga barangays ang nagpaidalum sa assessment sang Regional, Field Performance Assessment Teams kag National Working Team, kalakip ang nasambit nga barangay sa 1,028 nga mga barangay ang nagpangibabaw.
Bangud sini, tuman ang kasadya ni Punong Barangay Castor Holce Bialen sang Barangay VIII matapos makuha ang amu nga pasidungog.
Bilang National Passer, nagapamatuod lamang ini nga napasar sang ila barangay ang tanan nga tatlo ka Core Governance Areas partikular ang financial Administration and Sustainability, Disaster Preparedness, and Safety kag Peace and Order.
Subong man ang Essential Governance Areas kung sa diin amu ang Social Protection and Sensitivity, Business Friendliness and Competitiveness kag Environmental Management.
Suno kay Bialen, indi ini madali nga himuon kag bangud sa ila pagtimakas kag pagkapisan nga maghatag sang maayo kag tampad nga serbisyo nalab-ot nila ini nga kadalag-an.
Kalakip man nga ginpasidunggan ang Barangay Bungsuan, Barangay Poblacion kag Barangay Tumalalod sa banwa sang Dumarao.
Mahibaluan nga ang nasambit nga pasidungog ang gintan-ay kay Bialen sang Department of the Interior ang Local Government (DILG).
