Ginmanduan sang House Quinta Comm nga kilala bilang Murang Pagkain Super Committee ang National Bureau of Investigation (NBI) nga imbestigahan ang mga middleman may kaangtanan sa mataas nga presyo sang bugas sa mga merkado apisar nga ginpanubo na ang taripa sang imported nga bugas.
Mahibaluan nga nagfile sang mosyon si House Deputy Majority Leader kag Iloilo 1st District Rep. Janette Garin agud makilala ang mga indibidwal kag organisasyon nga responsable sa mataas nga presyo sang bugas.
Nagsunod naman si Cavite 2nd District Rep. Lani Mercado-Revilla nga ginaprubahan ni Albay 2nd District Rep. Joey Salceda, ang lead chair sang Quinta Comm.
Nagfile si Garin matapos ang presentasyon sang Philippine Competition Commission (PCC) may kaangtana sa mga kahinaan sang rice supply chain.
Kadungan sini, ginpamangkot ni Garin si Agriculture Secretary Francisco “Kiko” Tiu Laurel Jr. kung sin-o ang nagabantay sa mga middleman.
Gintuad man sini ang importansya nga mapunuan ang kakulangan sa Rice Tariffication Law nga nagkakas sang gahum sang National Food Authority (NFA) nga maghimo sang mga tikang agud mapabilin ang presyo sang bugas.
Ginkadismaya naman sang mga mamalidha ang presyo sang bugas nga nagahampang sa P55.00 tubtob P60.00 kada kilo kung sa diin nga ginpanubuan na sa 15% nagikan sa 35% ang taripa sa imported nga bugas.
Pahayag sini nga posible ginakontrol sang mga middleman ang suplay sang bugas agud makabaligya sa mataas nga presyo.
Matandaan nga base sa mga datos, nadulaan sang P13.3-B nga kita ang gobyerno bangud sa pagnubo sang taripa nga posible nagkadto lamang suno diri sa bulsa sang mga negosyante.
