Liwat nga nagguwa ang mga espekulasyon nahanungod sa nagasugod nga relasyon sa tunga sang aktres kag aktor nga sanday Barbie Forteza kag Jameson Blake pagkatapos nga nakita sila nga nagaholding-hands sa isa ka Gala event sang Sabado, Agosto 2.
Apisar nga una nga ginklaro sang duha nga mag-abyan lang sila, sa isa ka video nga gin-share sa publiko, nakit-an nga naga-uyatay sang kamot ang duha samtang nagahalin sa venue.
Ang isa pa ka video nga huring-huring sa social media nagapakita sa ila nga naga-order sang tingob sa isa ka fast-food nga restaurant malapit sa lugar sang kahiwatan.
Sugod sang Mayo, ang duha nakita nga magkaupod sa mga fun run events sa pila ka beses, kon kaisa nagauyatay sang kamot.
Apang, ginpanginwala ni Jameson sang Hulyo nga may yara sang pinasahi sa tunga nila, nga nagapanindugan nga ginabuligan niya lang si Forteza sa pag-navigate sa hugot nga kadam-an.
Si Barbie nagsiling man sa amo man nga bulan nga wala sila naga-date sang aktor.
