-- ADVERTISEMENT --
Ginpanginwala ni Barbie Imperial ang ginapalapta sang isa ka social media page nga nagasiling nga nagabusong siya kag si Richard Gutierrez ang amay.
Suno sa post, nag-ako si Barbie kay Boy Abunda nga siya ang nagabusong kag ang mangin tatay suno diri amu si Richard.
Gingamit naman ni Barbie ang iya nga verified account agud ipahayag nga indi matuod ang mga nagalapta kag ginganyat niya sini ang iya 14 million followers nga i-report ang amu nga page.
Samtang, padayon ang tsismis nga may relasyon sanday Barbie kag Richard bangud pila ka beses sila nga nakitan-an nga magkaupod, kaangay nalang sa South Korea. Apang wala pa sang komento si Barbie natuhoy sa amo nga mga espekulasyon.
