-- ADVERTISEMENT --
COTABATO CITY – Nagtipon ang pila ka mga partido pulitikal sang Bangsamoro Autonomous Region in Muslim Mindanao (BARMM), agud masiguro ang malinong nga parliamentary eleksyon sa Setyembre 14.
Nagpanawagan ang mga opisyal sang nagkalain-lain nga partido sa ila mga miyembro nga likawan ang pagpasipala kag infighting, ilabi na sa social media.
Ginhatagan nila pagtamod ang importansya sang pagtahod sa mga kandidato kag mga partido.
Ginsuportahan man sang kapulisan kag militar ang ini nga tikang agud mapabilin ang katawhay sa eleksyon.
Sa padayon nga pagpakig-angot nahibaluan ang nasambit nga eleksyon amo ang labing una nga parliamentary polls sa BARMM humalin sang gintukod ini sadtong 2019.
-- ADVERTISEMENT --
