Ginhimo nga collectible artwork sang New York-based artist nga si Justin Gignac ang basura nga nakolekta sa guwa sang kasal nanday Taylor Swift kag Travis Kelce pagkatapos sang ila kasal sang Hulyo 3.
Lakip sa mga nakolekta ni Gignac ang mga upos sang sigarilyo, paper cup, plastic straw, candy wrapper, plastic bag, kag iban pa nga basura nga ginbilin sa palibot sang venue.
Ginbutang niya ini sa magagmay nga mga plastik nga cube nga indi masudlan sang hangin bilang mga handumanan para sa mga fans.
Suno kay Gignac, nakuha niya ang basura sa guwa lang sang venue kag wala man siya sang may ginkuha sa sulod mismo sang kasal bangud wala man siya kaupod sa mga gin-imbitar.
Dugang pa niya nga ang tagsa ka artwork ginbaligya niya sa balor nga 25 dollar kag ang tanan nga 50 ka bilog nga iya ginpaguwa gilayon nga naubos.
