Daku ang kalipay sang isa ka bata nga Capiznon matapos ini nga makakuha sang medalya sa International Mathematics and Science Olympiad Competition of South East Asia nga ginpatigayon sa Osaka, Japan.
Sa interview sang Bombo Radyo kay Amara Estelle Del Rosario, iya ginpahayag nga ang iya seryoso nga pag-review kaupod ang iya coach kag pagpatigayon sang mock tests amo ang nagdala sa iya nga kadalag-an.
Suno kay Del Rosario, ang all-out support sang iya parents ang nag-motivate sa iya nga pagadag-on ang nasambit nga kompetisyon.
Pahayag pa niya, apisar namag-o sa international field, iya ginpamatud-an nga may ibuga siya apisar sa iya lamharon nga edad sa patag sang science kag math.
Nagapsalamat man ang natungdan sa iya ginikanan, mga abyan, classmates kag eskwelahan sa ila sini nga suporta.
