Ginkumpirmar ni Batangas 1st District Representative Leandro Leviste nga yara sa iya posisyon ang mga files nga nagaunod sang listahan sang mga proponents sang multi-billion-peso budget insertions sa Department of Public Works and Highways (DPWH) sa bug-os nga pungsod, nga ginpahayag ginhatag sa iya sang nagtaliwan nga Undersecretary Maria Catalina Cabral.
Suno kay Rep. Leviste, ginhatag sa iya ang mga file sang Setyembre 4, 2025 kasunod sang direktiba ni DPWH Secretary Vince Dizon bilang kabahin sang pagpasanyog sang transparency.
Dugang pa niya, ginpakita man niya ang mga dokumento sa Independent Commission for Infrastructure (ICI) kag sa Office of the Ombudsman sang Nobyembre.
Pahayag pa niya, indi lamang mga Kongresista kag Senador ang yara sa listahan kundi lakip na ang mga matag-as nga opisyal sang ehekutibo kag pila ka mga pribado nga indibidwal.
Matandaan nga una na nga gintudlo si Cabral bilang yabi nga personalidad sa ginapahayag pagplano kag pag-alokar sang pundo sang DPWH, partikular sa mga flood control projects, antes ini nag-resign sang Setyembre 16 matapos nga naulamid sa kontrobersiya.
