Nagapanawagan si Batangas 1st District Rep. Leandro Leviste sang imbestigasyon tuhoy sa listahan sang 75 ka mga proyekto sang Department of Public Works and Highways (DPWH) nga gina-alegar halin sa mga file sang nagtaliwan nga si Former DPWH Undersecretary Maria Catalina Cabral, kag may tags nga “OP (ES/SAP)” bilang proponent.
Suno kay Leviste, gin-share niya ang amo nga listahan sa iya Facebook page, nga nagapakita sang 75 ka proyekto nga nagabalor sang P8 billion kalakip na ang P300 million nga proyekto sang streetlight sa iya distrito.
Dugang pa niya, iya ini ginpakita sa publiko agud nga may yara sang bilog nga basehan ang publiko kag makabulig ini sa katawhan sa paghimo sang kaugalingon nga pag-usisa sa mga proyekto nga ini kag iban pa nga mga impormasyon nga posible makabulig sa mga imbestigasyon na pagahimuon sang Senador kag kongresista sa 2026.
Pahayag pa niya, nga wala siya nakahibalo sa matuod nga identity sang “OP (ES/SAP)” nga gin-tag bilang proponent sang mga proyekto, kun sa diin 60 percent sini amo ang mga proyekto para sa flood control kag slope protection samtang 40 percent naman amo ang mga proyekto sang streetlight.
