Nagapanawagan ang progresibo nga party-list group nga Bayan Muna sa publiko nga magprotesta batuk sa pag-derail sang reklamo sa impeachment kag piliton ang Senado nga magtipon sa Hunyo 21.
Sa isa ka pahayag, gintumod ni Bayan Muna chairman Neri Colmenares nga apisar nga nag-adjourn na ang Senado bilang isa ka legislative body, mahimo sa gihapon ini nga mag-convene bilang isa ka impeachment court base sa pagsulundan sang Senado.
Ginpanindugan man ni Colmenares nga dapat magtipon ang Senado sa Hunyo 21 agud mabaton ang sabat sang respondent kag sugdan ang impeachment trial matapos ginmanduan sang Senado bilang impeachment court sang Hunyo 11 ang Office of the Vice President (OVP) nga isumiter ang ila sabat sa sulod sang 10 ka adlaw.
Naghingyo man si Colmenares sa Kamara nga gilayon nga magsabat sa mandu sang impeachment court, nagapanindugan nga wala naglapas sa kasuguan ang impeachment complaint kag handa sila nga kasuhan ini kag mag-atubang sa impeachment court sa Hunyo 21.
Bangud kon indi suno sa iya, may mga Senador nga magasiling nga gina-derail sang Kamara ang trial paagi sa indi pagsunod sa mando sang korte.
Ginsiling man sini nga dapat ibalik sang Kamara ang bola sa Senado paagi sa paghangkat sa mga Senador nga magtipon bilang impeachment court sa Hunyo 21.
Sa katapusan, ginhatagan punto ni Colmenares nga indi lamang ang mga pumuluyo sa Metro Manila kundi lakip na sa mga probinsya sa bug-os nga pungsod ang dapat maghiwat sang hublag protesta agud engganyuhon ang Senado nga magtipon sa Hunyo 21 agud hibaluon kon sa diin gingasto ni Vice President Sara Duterte ang P612 milyones halin sa public treasury kag kun bala ang ginaalegar nakabaton sang kwarta kaangay ni Mary Grace Piattos, gingamit suno sa iya para sa libre nga bulong, edukasyon, kag iban pa nga social services.
