Ginapangabay sang grupo nga BAYAN Panay sa gobyerno nga punggan ang posible nga pagsaka sang presyo sang gatong sa masunod nga semana.
Sa interview sang Bombo Radyo, kay Elmer Forro, Secretary General sang BAYAN Panay, iya ginpahayag nga dapat maghimo sang tikang ang gobyerno agud indi magsaka ang presyo sang gatong.
Suno kay Forro, ginakabig nga alarming ang amo nga sitwasyon bangud kadungan sini mataas man ang inflation kag presyo sang iban nga mga balaklon, nga dugang palas-anaon sang ordinaryo nga mga Pilipino.
Ginahingyo sang grupo nga suspendihon anay ang excise kag epal tax sa gatong kag i-review ang Oil Deregulation Law agud mas ma-control ang sobra nga pagsaka sang presyo.
Ginpa-athag man niya nga kung magpadayon ang sitwasyon, madamo ang mahimo mawad-an sang trabaho nga mga Pilipino.
Samtang ginabantayan nga posible magalab-ot sa P10 kada litro ang pagsaka sang presyo sang gatong bangud sa nagapadayon nga tensyon sa Middle East.
