Baybayon sang Panay kag Pilar, Capiz, ginpahamtangan sang marker agud mahibaluan ang boundary sang kadagatan

Ginpahamtangan sang marker ukon buya ang kadagatan sang Panay kag Pilar, Capiz agud mahibaluan ang boundary sang kadagatan nga sakop sang tagsa ka banwa.

Sa interview sang Bombo Radyo kay Mr. Ramie Detaro, Municipal Environment and Natural Resources Officer (MENRO) sang Panay, iya ginpahayag nga ang amo nga marker magaserbe bilang giya sa kag pagpatuman sang mga regulasyon sa pagpangisda sang nasambit nga mga kadagantan sang banwa.

Suno kay Detaro, paagi sini, malikawan ang pagsulod sang mga mangingisda sa kadagatan nga indi sakop sang ila banwa.

Nagpanugyan man ini sa mga mangingisda nga magkuha sang nagakaigo nga permit antes magpangisda agud masiguro nga nagasunod sila sa mga regulasyon kag kasuguan sa pagpangisda.