ROXAS CITY – Daku nga palamangkutanon sa mga fans kun ano ang tinutuyo nanday Alden Richards kag Bea Alonzo sa pagpadulong sa Thailand.
Ini matapos nga makuhaan sang litrato ang duha nga magkaupod nga nagcheck-in sa Suvarnabhumi Airport sa Bangkok.
Sa pihak nga nakasuksok sang face mask ang duha, nakilala sila sa gihapon sang mga Pinoy nga yara sa airport.
Wala napunggan sang pila ka mga Pinoy fans nga magpa-picture kaupod ang duha ka mga artista sa diin game naman sanday Bea kag Alden.
Posible nga may bag-o nga project nga pagaupdan ang duha nga I-shoot sa Thailand.
Apang indi man malikawan sang mga malisyoso nga netizens nga magpanumdom sa posibilidad nga may yara sang espesyal nga pagtamdanay ang duha.
Kun matood indi naman ini imposible, bangud lunsay single ang duha kag ready to mingle.
