-- ADVERTISEMENT --
Prayoridad subong ni Bea Alonzo amo ang pagtukod sang pamilya matapos ang iya civil wedding sa negosyante nga si Vincent Co sang nagligad nga bulan.
Ini ang ginkumpirmar sang iya bag-o nga manager nga si Chris Cahilig Kag ginpahayag nga temporaryo niya nga paga-uyatan ang career sang aktres bilang interim manager ukon agent.
Suno kay Cahilig, yara na sa bag-o nga hugnat sang kabuhi si Bea matapos ang iya kasal.
Nagguwa man ang mga report nga nag-resign bilang manager ni Bea si Shirley Kuan pila ka semana na ang nakaligad.
Matandaan nga na-delay ang una nga plano sang kasal nanday Bea kag Vincent sa Spain bangud sa mga kontrobersiya nga nagtuhaw sadto nga tion.
Apang, nadayon sa gihapon Ang ila kasal sa isa ka pribado nga seremonya.
