Nangin Isa ka ‘dagat sang dugo’ ang nakita sa baybayon sang Hormuz Island sa Iran pagkatapos sang mabaskog nga ulan nga naghimo sang dagat nga isa ka masanag nga pula nga duag.
Ang lugar kilala bilang “Red Beach” bangud sang mataas nga konsentrasyon sang duta nga may madamo nga iron-oxide nga makita sa isla.
Nahibaluan, gin-anod sang ulan ang pula nga duta gikan sa mga pil-as kag mga kilid sang isla pakadto sa dagat, amo nga ang katubigan sa baybayon daw kaangay nga “blood-red.”
Suno sa report, ang hitabo naghatag sang isa ka pinasahi nga talan-awon nga gilayon nga nangin isa ka bahin sa internet, sa diin madamo nga mga turista kag mga lokal ang nagpaambit sang mga litrato kag mga video sang pula nga dagat.
Ang isla sang Hormuz madugay na nga kilala bangod sang iya geological formations kag ginatawag nga “gelak,” isa ka pula nga duta nga ginagamit sa mga pigment, cosmetics, kag tradisyunal nga mga produkto.
Bisan pa makahaladlok ini tan-awon, gin-athag sang mga eksperto nga isa ini ka kinaugali nga proseso kag indi indikasyon sang polusyon ukon kalamidad.
Sa subong, ang “Red Beach” nagapabilin nga isa ka atraksyon para sa mga turista kag mga photographer, kag nangin mas popular pa gid bangod sang mga hitabo sining karon lang.
Ang Hormuz Island, nga nahamtang sa Strait of Hormuz, isa sa pinakapopular nga destinasyon sa Iran para sa mga mahilig sa pinasahi nga mga talan-awon kag natural nga mga katingalahan.
