Beermen, sulod na sa semis matapos matal-usan ang Converge sa iskor nga 109-105

Sulod na sa semifinals sang 2024 PBA Governors’ Cup matapos malutos ang Converge FiberXers, sa iskor nga 109-105.

Nagpangibabaw si June Mar Fajardo para sa Game 5 do-or-die games sang mga ini nga nakapagkit sang 40 points, 24 rebounds, apat ka assists kag isa ka steal sa hampang nga ginhiwat sa Ynares Center sa Antipolo.

Nagdugang naman sang 23 points kag 10 rebounds si import EJ Anosike samtang may 10 points, 9 ka assists kag 6 ka rebounds si CJ Perez.

Suno naman kay Beermen coach Jorge Gallent nga ila lubos nga masaligan si Fajardo ilabi na sa mga do-or-die game.

Masunod nga makahampang sang Beermen ang Barangay Ginebra sa best-of-seven semifinals nga magasugod sa Miyerkules kag pagahiwaton sa PhilSport Arena.