Ginpakigbahin sang actress nga si Bela Padilla kag sang iya nobyo nga tech CEO nga si Martin Tan ang ila istorya kon paano sila nagkilalahanay kag ang mga bagay nga ila ginadayaw sa isa kag isa.
Sa isa ka interview, ginpahayag sang duha nga ginpakilala sila sang isa ka mutual friend kag gilayon sila nga nag-click bangud lunsay sila mahilig sa pelikula.
Suno kay Martin, walo ka bulan na sila nga naga-date kag ginadayaw niya si Bela bangud sa kaalam, sense of humor kag sa iya katahum.
Para naman kay Bela, nanamian siya kay Martin bangud game ini nga i-try ang mga challenge nga gusto niya nga maagyan, lakip ang pagkadto sa mga merkado bisan temprano pa.
Nagpasalamat naman si Bella sa iya nobyo bangud tuman siya kapalangga kag ginahimo gid ang tanan agud nga malipay siya.
