ROXAS CITY – Naglab-ut na sa 5 ka mga benepisyaryo ang natigayon nga mabuligan sang “Bahaynihan Project” sang Dao Municipal Police Station.
Ini ang ginkompirmar ni Police Captain Efren Yu-ing sang mainterview sang Bombo Radyo.
Suno kay Yu-ing nga kalakip sa lima ka mga benepisyaryo nga ginhatagan nila sang balay ang nagikan sa mga Barangay Matagnop, Centro, Ilas Sur, Poblacion Ilaya kag Ilas Norte.
Ginpahayag sini nga gikan ang pondo sini sa pagbinuligay sang mga kapulisan sa probinsiya, gobyerno probinsiyal kag iban pa nga mga stakeholders nga nagapalab-ut sang donasyon kag bulig.
Gindugang pa sini nga may yara sang nagakaigo nga validation antes ginhatagan ang mga benepisyaryo.
Samtang, ginapabilin sa gihapon sang mga kapulisan ang peace and order sa nasambit nga banwa.
