-- ADVERTISEMENT --
Maiwat ang bentahanay sang mga bulak sa Banica Public Cemetery sa syudad sang Roxas subong nga tuig.
Sa interview sang Bombo Radyo kay Randy Reyes, isa ka flower vendor sa amo nga patyo, iya ginpahayag nga mas madamo ang nagabakal sang mga bulak sang nagligad nga tuig kumpara sa subong.
Suno kay Reyes, indi pareho sang nagligad nga tuig ang sitwasyon sang ila baligyaan bangud subong maiwat na ang mga bumalakal.
Dugang pa sini, nagalaum siya nga maubos ang mga bulak nga iya ginabaligya antes matapos ang adlaw, agud makabawi man sa iya capital.
