-- ADVERTISEMENT --
Naghina ang bentahan sang karne sang baboy sa Roxas City bangud sa padayon nga kabalaka sang publiko sa African Swine Fever (ASF).
Sa interview sang Bombo Radyo kay Sebastian Cadison, meat vendor, iya ginapahayag nga nabatyagan niya ang pag-iwat ukon paghinay sang iya benta bangud man sa peligro nga dala sang ASF.
Suno kay Cadison, ginasiguro nila nga limpyo, ba-o, kag husto ang kalidad sang ila ginabaligya nga karne.
Dugang pa sini nga ang mga baboy nga ila ginapakatay ang naghalin sa banwa sang Dumarao kag nagaagi sa insakto nga proseso sa slaughterhouse nga may kompleto nga mga certificates antes nga ibaligya.
