ROXAS CITY – Nangin bugal sang probinsiya sang Capiz ang Chief Investigator sang Women and Children Desk Protection (WCPD) Section sang Roxas City Police Station matapos ginpasidunggan bilang Best WCPD Investigator sa Western Visayas.
Suno kay Police Senior Master Sergeant Rosario Olaveja nga nangin malipayon ini bangud sa nabaton nga pasidungog.
Kadungan sang International Women’s Month Celebration subong nga bulan sang Marso, kasubong nga daw doble ang bugal ni Olaveja.
Tinutuyo lamang sini nga makabulig sa mga kababaihan nga mahibaluan ang ila kinamatarong nga protektado sang layi.
Suno diri nga indi magkahadlok ang mga kababainhan, ilabi na gid ang mga kabataan nga babaye nga i-report sa VAWC section sang ila Barangay ang mga pagpanakit emotional ukon physical sa ila.
Dugang pa ni Olaveja nga bukas ang ila talatapan sa Roxas City Police Station sa mga luyag hibaluon ang ila kinamatarong agud mauntat na ang pag pang-abuso sang pila ka mga indibidwal sa mga kababainhan.
