Nagtaliwan na ang beterana nga komedyante nga si Matutina sa edad nga 78-anyos.
Ginkumpirmar sang anak sini nga si Shiela Guerrero ang pagtaliwan sang iloy nga si Evelyn Bontogan sa matuod nga pangalan.
Dugang pa sang anak nga nag-angkon sang respiratory failure ang komedyante nga rason sang kamatayon.
Nagsugod ang career sang komedyante bilang voice talent sa mga drama sa radyo.
Siya man ang nangin boses sa nagkalain-lain nga karakter nga nalantaw sa mga cartoon gikan sa iban nga pungsod.
Mas nakilala ang actress sa TV sitcom nga “John en Marsha” nga ginabidahan sadto nanday Dolphy kag Nida Blanca kun sa diin maid ini ni Dely Atay-Atayan nga nag-ere halin 1974 tubtob 1990.
Ang komedyante mismo ang naghatag sang suhestiyon sa director sang sitcom nga tawgon siya bilang Matutina.
