Nagpabutyag sang kasubo si Chief Presidential Legal Counsel Juan Ponce Enrile sa pagtaliwan sang iya abyan nga si Atty. Estelito “Tiyo” Mendoza.
Si Mendoza isa ka kilala nga trial lawyer nga ginakabig sang mga kaupod sa legal profession nga pinakamataas ang sweldo sa iya patag.
Para kay Enrile, nadulaan siya sang abyan, samtang nadulaan sang pinalangga nga kabuhi ang pamilya Mendoza.
Nahibaluan nga mag-abyan ang duha bangud si JPE ang padrino sang isa sa mga bata sang napatay nga kaupod.
Si Mendoza ang natawo sang Enero 5, 1930.
Nangin gobernador sang Pampanga, Ministro sang Hustisya, Solicitor General kag mamalidha.
Nakilala man siya sa iya abilidad bilang defense lawyer sa mga kaso ni anay Presidente Gloria Macapagal-Arroyo, JPE kag iban pa nga kilala nga personalidad.
Isa sa katapusan nga kaso nga paga-uyatan ni Mendoza amo ang mga isyu sa confidential fund nga ginapangatubang ni Bise Presidente Sara Duterte.
