Nagpahanumdom ang Bureau of Fisheries and Aquatic Resources (BFAR) Region 6 sa publiko nga seguraduhon nga preska ang isda nga ginaluto kag ginakaon.
Ini ang kasunod sa mga reports nga nabaton sang talatapan may kaangtanan sa Histamine ukon Scombroid Poisoning.
Sa interview sang Bombo Radyo kay Director Remia Aparri sang Bureau of Fisheries and Aquatic Resources Region 6, iya ginpahayag nga bangud sa lub-ok nga isda partikular ang aloy ukon tulingan, madamo ang bacteria nga ginatawag histamine nga kun makaon sang tawo makabatyag sila sang nagkalain-lain nga sintoma kaangay sang pagpangatol kag pagpamula sang panit kag iban pa.
Suno kay Aparri, mahimo nga malikawan ang amo nga poisoning kun siguraduhon nga preska ang isda – kag kun mahimo, lutuon ini insigida matapos nga ginbakal.
Nahibaluan nga ang nasambit nga aloy ang nagikan sa Iloilo.
Samtang, ginsigurado naman sini nga bastante ang supply sang isda sa rehiyon nga kun sa diin yara ini sa 118% sufficient rate.
Interviewed by Bombo Saira Joy Alu-ad Bautista | via Zona Libre
