Nagpahanumdom ang Bureau of Fire Protection (BFP)-Capiz sang importansya sang Basic Life Response Training agud mangin handa sa paghatag sang insigida nga bulig medikal sa tion sang emerhensya.
Sa interview sang Bombo Radyo kay FO3 Flora Mae Valles, Acting Chief sang Emergency Medical Unit Office sang BFP-Capiz, iya ginpahayag nga kabahin ini sang training sang mga katapo sang BFP antes sila makasulod sa serbisyo.
Suno kay Valles, kinahanglan nga matagaan sang target response time agud indi mabutang sa alang-alang ang pagluwas sang kabuhi.
Pahayag pa niya, kinahanglan man nga may ihibalo ang mga ordinaryo nga pumuluyo sa paggamit sang ambubag kag pagpatigayon sang CPR agud makabulig sa mga nagakinahanglan sang bulig emerhensya .
Dugang pa ang natungdan, daku ang papel sang basic life emergency response training sa pagluwas sang kabuhi ilabi na subong nga naga-init ang panyempo kag nagataas ang risgo sang mga heat-related emergencies.
