ROXAS CITY – Ginklaro ni FO2 Gerel Ledesma sang Bureau of Fire (BFP) Mambusao nga napakay-o na ang pader sang isa ka puluy-an nga aksidente nga nabungguan sang ila fire truck sa may bahin sang Navarra Avenue, Barangay Poblacion Proper, Mambusao Capiz.
Sa interview sang Bombo Radyo kay Ledesma, ginpahayag sini nga gilayon nga ginbululigan sang katapos sang BFP ang pagpakay-o sang nasambit nga puluy-an.
Nagapabilin naman suno diri nga unserviceable ang na-aksidente nga fire truck kung sa diin nawasak sini una nga bahin.
Mahibaluan nga may yara lamang sang duha ka mga fire truck ang BFP Mambusao nga nagaserbi sa tion nga may yara sang sunog.
Matandaan samtang ginasubay sang amu nga fire truck ang dalan sa may bahin sang Bonifacio Street, Barangay Poblacion Proper, Mambusao Capiz kag magatabok kun tani ini sa intersection sang hinali na lamang nga madulaan ini sang kontrol rason sang iya aksidente nga pagkabunggo sa isa ka puluy-an.
Magapatigayon kun tani ang nasambit nga BFP member sang fire visibility and recorrida angut sa El Niño Phenomenon.
