Ginpabaskog liwat sang Bureau of Fire Protection (BFP), sa pagpanguna sang Officer-in-Charge nga si FCSUPT Wilberto Rico Neil A. Kwan Tiu, ang iya suporta sa pagpalig-on kag pagstandardize sang Urban Search and Rescue (USAR) capabilities sang pungsod.
Ini ang ginpahayag sa Philippine USAR National Accreditation Body (NAB) Year-End Review, sa diin ginpahayag sang BFP ang bug-os nga pagsuporta sa mga inisyatibo sang Office of Civil Defense (OCD) kag National Accreditation Body para sa pagpatuman sang isa ka nagahiusa kag international nga nagakaangay nga sistema sang rescue operations.
Kabahin sa plano sang BFP ang pagtukod sang indi magnubo sa 82 ka Light USAR Teams sa lebel sang probinsya, Medium USAR Teams sa tagsa ka rehiyon, kag isa ka National Medium USAR Team agud mapalig-on ang local kag national nga kapasidad sa pagresponde sa dalagku nga kalamidad.
Ginpadasig man sang BFP ang padayon nga training, skills assessment, certification kag accreditation sang mga responders agud masiguro ang ila kahandaan, ihibalo kag seguridad sa pagpatigayon sang rescue operations.
Paagi sa pagbinuligay sang BFP, OCD kag iban pa nga partner agencies, padayon nga ginatinguhaan ang mas preparado, koordinado kag mabakod nga sistema sang Search and Rescue, suno sa prinsipyo nga magresponde, magbuligay, kag magpakigbahin sang pwersa sa national nga lebel.
