Nagpakigbahin ang Bureau of Fire Protection Panitan Capiz, sang aktibo kag epektibo nga performance sa 1st quarter sang 2026.
Sa interview sang Bombo Radyo kay Senior Fire Officer 3 Carl John D. Devesfruto, Acting Municipal Fire Marshal sang Bureau of Fire Protection (BFP) Panitan, iya ginpahayag sa bulan sang January ginpatuman nila ang business one stop shop nga may tinutuyo nga maga renew sang fire safety renew certificate nga nangin madinalag-on sa pag sekyar sang business establishment.
Suno kay SFO3 Devesfruto, sa bulan naman sang February nagumpisa sila sang pagimplementar sang programa nga May Gulay sa Office Program.
Pahayag pa niya ang bulan naman sang Marso nga nangin sentro ang Fire Prevention Month nagpatigayon ang BFP Panitan Capiz sang nagkalain-lain nga aktibidad lakip na ang education information campaign sa bugos nga banwa sang Panitan.
Dugang pa niya ang fire square road show kag ang open house ila nangin prioridad kon sa diin nagaengganyo sang pag pasakop sang kabataan ; elementary tubtob preschool nga magahatag sang early awareness kag ihibalo kon paano makabulig sa tion sang emeheryensya.
Samtang, apisar may kakulang sang budget ilabi na sa tion sang Fire Prevention Month, nahibaluan nga ang bulig sang tagsa ka personnel kag mga pummuluyo amo ang nagpalig-on sang amo nga mga kahiwatan kag selebrasyon.
