ROXAS CITY – Ginahulat pa sa karon sang pamunuan sang Bureau of Fire Protection (BFP) Region 6 ang resulta sang Real Time Polymerase Chain Reaction (RT-PCR) test nga ginpatigayon sa 196 ka mga BFP personnel nga kalakip sa na-contact trace nga nakaangkon sang close contact sa isa ka opisyal sang BFP nga nagpositibo sa COVID-19.
Ginpahayag ni Fire Senior Inspector Stephen Jardeleza, spokesperson sang BFP Region-6 nga samtang ginahulat pa ang resulta sang nasambit nga test kag apisar ginbawi na ang lockdown sa BFP building sa Regional Office 6, indi pa makapanerbisyo ang talatapan bangud wala sang personnel nga nagaduty.
Ini matapos nga ginpaidalum sa strict home quarantine ang mga personnel bilang pagsunod sa health protocol.
Suno kay Jardeleza nga importante nga ma-maintain sang 196 ka BFP personnel ang health integrity protocol.
Samtang ginpasiguro sang opisyal nga wala na makapauli sa Capiz ukon naka-duty ang isa ka BFP personnel nga ginaalegar nakaupod sa Isla sang Boracay kag nakaangkon sang close contact sa opisyal sang BFP nga positibo sa COVID-19. Ginpahayag ni Jardeleza nga matapos ang gintambungan nga kahiwatan sa Boracay nagdiretso na ang nasambit nga personnel sa Iloilo kag nagpaidalum sa quarantine
