Nag-upod ang Bureau of Fire Protection (BFP) Region 6 sa pagbukas sang Specialized Law Enforcement and Emergency Response Capability Enhancement Program sang Land Transportation Office (LTO) para sa Visayas Cluster.
Ginpangrepresentaran ang BFP Region 6 nanday FSSUPT Janet J. Germinal, Regional Chief of Staff; FSINSP Virgilio G. Mercado, Acting Deputy City Fire Marshal sang Iloilo City Fire Station; kag FInsp Antonio M. Escobido Jr., Acting Chief sang Fire Suppression Operation Section.
Pinaagi sa nasambit nga programa, tinguhaan nga mapalig-on ang kaandam, kahilwayan kag ikasarang sang mga personnel sang LTO sa pagresponde sa nagkalain-lain nga emerhensya paagi sa mga espesyal nga training kag aktuwal nga paghanas.
Lakip sa mga pagatudluan ang disaster risk reduction and management, emergency management, incident response, motorcycle safety, defensive driving, firearm familiarization, rappelling, rope techniques, water safety kag rescue operations sa tubig.
Ginpakita man sang pagpakigbahin sang BFP Region 6, sa pagpanguna ni Regional Director FCSUPT Edwin P. Vargas kag sa paggiya ni BFP Officer-in-Charge FCSUPT Wilberto Rico Neil A. Kwan Tiu, ang importansya sang pagbinuligay sang nagkalain-lain nga ahensya sang gobyerno agud mas mapadasig kag mas mangin epektibo ang pagresponde sa mga emerhensya kag insidente sa komunidad.
