ROXAS CITY – Nagpahanumdom ang Bureau of Fire Protection- Roxas City sa pagsiguro sang seguridad sa paggamit sang palupok sa nagahilapit nga Holiday Season.
Sa interview sang Bombo Radyo kay Senior Fire Officer 1 Junemar Galve, Public Information officer sang Bureau of Fire Protection- Roxas City, iya ginpahayag nga nagapadayon ang ila Oplan: Paalala Iwas Paputok kun sa diin naga-rekorida ang ila mga katapo agud nga magpahanumdom sa importansya sang paglikaw sa paggamit sang paupok.
Suno kay Senior Fire Officer 1 Galve, ang nasambit nga programa ang tuigan nga hilikuton agud maibanan ang kaso sang mga malukpan kag malikawan ang insidente sang sunog nga tuga sang indi responsible nga paggamit sang palupok.
Pahayag pa niya, ang mga manugbaligya ang kinahanglan man nga mag sunod sa mga fire safety requirements kaangay sang pagkuha sang fire safety and business permit, pagpahamtang sang fire extinguisher sa baligyaan kag pagdumili sang pagpanigarilyo kag pag-testing sang palupok malapit sa lugar.
Nagpanawagan man ang natungdan sa publiko nga kun mahimo, likawan na lang ang paggamit sang palupok kag maggamit na lang sang mga alternatibo kaangay sang torotot.
Interviewed by: Bombo Sunnie Mae Batencila
