Nagpakigbahin sang accomplishments ang Bureau of Fire Protection (BFP) Roxas City sa una nga quarter sang tuig 2026.
Sa interview sang Bombo Radyo kay Senior Fire Officer 1 Junemar Galve, Chief Public Information Officer sang BFP Roxas City, iya ginpatpat ang nagkalain-lain nga kadalag-an nga na-angkon sang ila talatapan humalin bulan sang Enero tubtob Abril.
Suno kay Galve, lakip sa ila mga accomplishment amo ang pag-inspeksyon sa 1,139 ka establisyemento sa syudad sang Roxas nga nagasunod sa mga patakaran agud mahatagan sangoccupancy permits .
Nagpatigayon man sang 21 ka fire drills sa nagkalain-lain nga ahensya agud matudluan ang mga empleyado sa husto nga evacuation kag pagresponde kon may sunog kag iban pa nga emerhensya.
Subong nga quarter, lima ka sunog ang nabalhag sa syudad kun sa diin 66.67% nga mas manubo sa 15 ka kaso sang tuig 2025.
Pahayag pa niya, sa bahin sang emergency medical services nagnubo man sa 48 ka kaso subong nga 2026 kun ipaanggid sa 73 ka kaso sang 2025.
Nagpasalig man ang natungdan nga magapadayon ang ila pagserbisyo sa pagpabilin sang seguridad sang publiko sa tion sang sunog kag iban pa nga emerhensya.
