Padayon ang imbestigasyon sang Bureau of Fire Protection (BFP) Roxas City agud mahibaluan ang gintunaan sang sunog nga naglamon sa duha ka panimalay sa Sitio Cassandra, Barangay Punta Tabuc, Roxas City sang Miyerkules sang gab-i.
Ginkilala ang mga tag-iya sang mga balay nga sanday alyas Armando, 69-anyos, nga gindeklarar nga totally burned ang iya panimalay, kag alyas Rudy, 58-anyos, nga partially burned naman ang iya puluy-an nga lunsay residente sang nasambit nga lugar.
Sa interview sang Bombo Radyo Roxas kay Senior Fire Officer II Junemar D. Galve, Chief Public Information Section sang BFP Roxas City, iya ginpahayag nga nakabaton sila sang report alas-11:44 sang gab-i.
Apang sang nag-abot ang ila mga personnel sa lugar, yara na sa 80 porsyento ang kahalitan sang sunog.
Suno kay Galve, gindeklarar nga kontrolado ang sunog alas-12:17 sang kaagahon kag gindeklara naman nga fire out alas-1:31 sang kaagahon.
Pahayag pa niya, 30 tubtob 40 ka adlaw ang ahensya ang ila standard operating procedures, kag pag-usisa sang mga ebidensya antes magpaguwa sang pinal nga resulta sang imbestigasyon.
