ROXAS CITY – Nagpungko bilang bag-o nga Acting City fire marshal sang Bureau of Fire Protection (BFP) – Roxas si SINSP Jesus Valenzuela, tal-os ini kay SINSP Rowel Limjuco.
Tumandok sang Iloilo si SINSP Valenzuela apang nakapangasawa sang taga-Cuartero.
Sa interview kay Valenzuela, suno diri nga sa iya liderato, pagapadayunon sini ang mga programa kaangay sang paglibot sa mga Barangay nga nagapahanumdom sa mga pumuluyo nga maghalong kag likawan ang sunog.
Luyag man sini nga makaangkon sang dugang nga sub-station sa syudad sang Roxas agud mangin madali ang pagresponde sa tion sang sunog ukon mga aksidente.
Panugyan sini sa mga pumuluyo nga mag-kooperar sa mga programa kag indi magkalipat sa mga ginahatag nga information tips.
Ginahandum man sini nga mag-angkon sang ambulansya ang mga bumbero agud makabulig man sa pagresponde sang mga incident sa syudad sang Roxas.
Si Valenzuela ang anay fire marshal sang BFP-Iloilo City
