ROXAS CITY –Ginkompirmar sang isa ka Barangay Health Worker (BHW) nga may yara sang isa ka babayi nga nakapauli sa Barangay Tanza, Roxas City nga naga-trabaho gikan sa Calinog, Iloilo.
Suno sa BHW nga si Arlyn Arroyo nga sang tinalikdan nga Sabado nga adlaw sang nagpauli si Kaye Acuyong sa nasambit nga barangay.
Apang paathag sang BHW nga sa pag-usisa sini kay Acuyong nahibaluan nga gindul-ong ini sang salakyan sang ila kompanya gikan sa Calinog pakadto sa siyudad sang Roxas.
Gindugang pa ni Arroyo nga may ginpakita man si Acuyong nga mga dokumento kaangay sang mga identification cards, Authority to travel kag medical certificate nga ginpresentar man sini sa border checkpoint rason nga nakalusot ini.//
Samtang ginpahayag man ni Arroyo nga natalana naman nga magbalik sa Calinog, Iloilo si Acuyong subong nga adlaw.
