ROXAS CITY – Kadam-an sang mga BHW sang Barangay Liong sa sini nga syudad ang wala nakabaton sang cash incentives nga ginpanghatag sang City Government.
Sa interview sang Bombo Radyo kay Corazon Seloso, BHW President sang Brgy. Liong, ginkumpirmar sini nga sa 13 ka mga rehistrado nga BHWs sa ila barangay, 2 lang ang ginhatagan sang tag-P2,000 nga pa-insentibo kag siya mismo nga lider sang BHW ang wala man nakabaton.
Wala man siya kahibalo kun ano ang rason sang gobyerno sang syudad kun ngaa wala sila ginlakip sa mga ginhatagan apang nagapati ini nga may lamud pamulitika ang nasambit nga tagtaganay.
Apang, ginpahayag ni Seloso nga may insentibo man ukon wala, padayon ini ang ila pagserbisyo sa ila barangay kag ubrahon ang ila mga obligasyon bilang Barangay Health Workers.
