-- ADVERTISEMENT --
Ginpasalamatan sang mga Barangay Health Workers (BHWs) ang nabaton nga PhilHealth Konsulta Package Performance Incentive.
Sa interview sang Bombo Radyo kay Melvin Galagate, Head sang Roxas City Communications Group, iya ginpahayag nga kabug-usan 198 ka BHWs sa syudad ang nakabaton sang amo nga insentibo.
Suno kay Galagate, ang amo nga insentibo ang isa ka pagkilala sa sakripisyo, dedikasyon kag boluntarismo sang mga BHWs sa paghatag sang serbisyo para sa kaayuhan sang mga pumuluyo kag sang syudad.
Paagi sa amo nga insentibo ginahatagan sang importansya sang syudad ang kontribusyon sang mga BHWs sa paghatag sang health services kag pag-atipan sa mga miyembro sang komunidad.
