Ginbuyagyag sang aktres kag beauty queen nga si Bianca Manalo nga ang iya pagbulagay kay Sen. Win Gatchalian bangud sa hugot nga pagtutok sang senador sa iya mga katungdanan kag serbisyo sa pungsod.
Sa isa ka interview, ginpakigbahin ni Bianca nga nahangpan niya ang dedikasyon sang iya anay relasyon sa trabaho, ilabi na bangud kilala ini nga mapisan kag seryoso sa iya mga responsibilidad.
Ginapabugal man sang aktres ang nahimo ni Gatchalian, bangud suno sa iya mas gusto sini nga itutok ang iya tion kag kusog sa pagsakripisyo kag pagserbisyo sa Pilipinas.
Sa pihak sang ila pagbulagay, nagapabilin nga maayo ang relasyon sang duha.
Dugang pa ni Bianca, nagapakig-angot siya sa gihapon sa senador kun nagakinahanglan ini sang bulig kag nagapabilin ang suporta sini para sa iya, kaupod ang iya mga tinawo.
Sa subong, ginpahayag ni Bianca nga wala pa siya sang plano nga magsulod liwat sa isa ka relasyon.
