Natapos na ang bicameral conference committee meeting para sa pinal nga bersyon sang 2026 national budget.
Pasado alas 2:20 sang kaagahon subong nga Disyembre 18 sang natapos sang Senado House of Representative ang paghinun-anon sang pila ka mga pag-amyenda sa 2026 General Appropriations Bill.
Naglawig sang anum ka adlaw ang bicameral conference nga nagsugod sang Disyembre 13 tubtob 18.
Ginpangunahan ni Senate Finance Committee Chairperson Sherwin Gatchalian kag House Appropriations Chair Mikaela Suansing ang bicameral meeting.
Isa ka makasaysayan subong nga tuig bangud masami nga ginahiwat ang closed-door bicameral budget conference apang subong sa labing una nga kahigayunan ini ang gina-livestream.
Natalana naman nga isumiter kay Presidente Ferdinand Marcos Jr. ang P6.793-trillion 2026 General Appropriations Bill para sa iya approval.
