ROXAS CITY – Nagtuga sang mahaba nga pila ang mga botante sa tanan nga mga polling centers sa California agud magboto sa 2020 Presidential Elections.
Sa report ni Bombo International Correspondent Garbriel Ortigoza nga may yara sang 55 ka mga electoral college votes ang amo nga estado.
Suno kay Ortigoza nga halos kadam-an sa mga Overseas Filipino Workers ukon OFW’s ang nagpabor sa Democratic Party sa pagpanguna ni Former Vice Pres. Joe Biden.
Ini bangud nga Democrat dominated state ang California apang indi man lipod nga may pila sa gihapon ka mga pumuluyo ang nagasuporta kay Donald Trump.
Magluwas diri, may yara man sang tagsa ka mga supporters ang duha ka partido kun sa diin magkatuhay nga mga kampanya ang ginpatigayon antes pa ang adlaw sang eleksyon agud makakuha sang madamo nga boto ang ila luyag nga kandidato.
Mahibaluan nga naglab-ot sa 66.8% ukon 7,350,684 nga numero sang mga boto ang nakuha ni Biden samtang si Trump naman may yara sang 31.9% ukon 3,565,080.
