Matapos ang rolbak, lauman naman ang dako nga pagtaas sa presyo sang mga produktong petrolyo sa masunod nga semana.
Ginabulubanta nga ang presyo sang gasolina magataas sang P0.60 tubtob P0.85 kada litro, diesel P1.45 tubtob P1.70 kada litro, kag kerosene naman P1.85 tubtob P1.90 kada litro.
Ang mga kompanya sang langis, masami nga naga-adjust sang presyo kada Lunes kag gilayon naman nga ginapatuman pagka-aga adlaw sang Martes.
Matandaan sadtong nakaligad nga Martes Hunyo 11, ang presyo sang kada litro sang gasolina nagnubo sang P0.60, diesel P1.20, kag kerosene nga P1.30. Tubtob Hunyo 11, 2024, ang presyo sang kada litro sang gasolina nagtaas na sang P6.05 kag diesel nga P4.25, samtang ang sa kerosene nagnubo naman sang P1.55 kada litro subong nga tuig.
