Naaresto na sang mga otoridad ang ginakabig nga pinuno sang Lucky South 99 nga amo ang operator sang Philippine Offshore Gaming Operator sa Porac, Pampanga.
Ginpahayag ni Presidential Anti-Organized Crime Commission spokesperson Winston Casio, nga ila naaresto si Lyu Dong ukon may tawag nga “Boss Boga”, “Boss Apao” kag “Boss Bahaw” sa isa ka residential subdivision sa Laguna sining gab-i sang Huwebes.
Naaresto ang suspek bangud sa warrant of arrest kag mission order matapos nga gin-angut sa nagkalain-lain nga krimen ang POGO sa Porac.
Sumugod sang nagguha ang warrant of arrest sini ginmonitor na nila ang hulag ni Lyu Dong tubtob nga makakuha sang tsansa nga magtambong ini sa isa ka kalingawan.
Gilayon na ini nga dindala sa detention facility sang PAOCC sa Pasay para sa inquest procedures.
Igapaidalum man sa imbestigasyon ang mga kaupod ni Lyu Dong sang Bureau of Immigration.
Ginakabig sang PAOCC nga ang pagkaaresto kay Lyu Dong bilang isa ka dako nga tikang para dalayon nga makita ang presensiya sang POGO hubs sa pungsod.
