Posible nga mag-angkon sang bigtime rollback sa presyo sang mga produktong petrolyo sa masunod nga semana, suno sa Department of Energy (DOE).
Base sa inisyal nga resulta sang three-day trading ang presyo sang diesel ang mahimu mabuhinan sang P1.50 tubtob P1.90 per liter; ang gasolina ang mahimu mabuhinan sang P0.80 tubtob P1.20 per liter, samtang ang kerosene ang mahimu mabuhinan man sang P1.40 tubtob P1.80 kada litro.
Mahimu sa gihapon nga mag-angkon sang pagbag-o sa nasambit nga price adjustment tubtob buas nga adlaw, ang ulihi nga adlaw sang 1 week trading.
Suno naman sa monitoring sang DOE, sumugod sadtong Enero 2024 tubtob sa karon ang may yara sang P8.05 nga price increase para sa gasolina, P5.95 sa kada litro sang diesel, kag P2.15 sa kada litro sang kerosene.
Subong nga semana, una na nga nagpatuman ang mga petroleum companies sang taas-presyo, epektibo subong nga adlaw sang Martes, Aug 27.
