ROXAS CITY – Ginsiling ni Barangay Kagawad Edwin Besana sang Pinesville, Barangay Bato, Roxas City, nga pumuluyo sang banwa sang Maayon ang naluthangan sa ila barangay.
Matandaan nga ginkilala ang biktima kay alyas “Jan-Jan”, yara sa legal nga pang-edaron samtang ang ginatudlo nga suspek ang ginkilala kay Manuel Onas Ferrer, 52-anyos, Barangay Tanod sa lugar.
Sa interview sang Bombo Radyo kay Besana ginpahayag sini nga pangayaw sa lugar ang biktima apang nakabakal ini sang lote sa ila barangay.
Suno sa Brgy. Kagawad, indi sang maayo ang pagsulundan sa tunga sang biktima kag suspek bangud sa tion nga maglabay suno diri sa atubang sang balay sang suspek ginatulok ini sang malain sang biktima nga daw kaangay nagamudlo pa.
Apang wala ini ginasapak ni Onas tubtob nga naglab-ot na sa subong sini nga hitabo.
Mahibaluan nga una na nga nagpasumon ang magtimbang nga bahin sa ila barangay.
Dugang pa ni Besana nga ini ang una nga tion nga may natabo sang kaangay sini sa ila lugar.
